ما هو تعريف البنت المحترمه ؟؟؟؟؟؟

من طرف SSOO_66 الثلاثاء أغسطس 18, 2009 6:48 pm

البنت المحترمة

متى نقول علي اي بنت انها " بنت محترمة " ؟؟؟؟؟
سؤال محير جدا

تلاقي كل بنت ليها وجهه نظر مختلفة عن معنى كلمة بنت محترمة
لما تيجي تسأل اي بنت مهما كانت لابسة ايه
او تصرفاتها ايه
او طريقة كلامها ايه
هتقولك انا محترمة
مثلا تيجي تسأل واحدة مش محجبة
ترد تقول انا اه بشعري بس محترمة
تيجي تسأل واحدة بتهزر مع زملاء ليها في الجامعه او العمل
تقولك انا باهزر اه بس محترمة
تيجي تسأل واحدة لابسة حجاب وبنطلون جينز مبين جسمها
تقولك انا محترمة
تيجي تسأل واحدة بتتكلم مع كل واحد بنعومة قال ايه بتتكلم بادب يعني
تقولك انا محترمة
تيجي تسأل واحدة بتلبس لبس يبين مفاتنها بس مقفول وطويل
تقولك انا محترمة

عايزين نفهم يعني ايه بنت محترمة الاول وبعدين نقول دي محترمة او لا
انا عن نفسي من وجهه نظري البنت المحترمة اللي هي ملتزمة بالعادات والتقاليد والدين في نفس الوقت
يعني لبسها مقفول وطويل وواسع
يعني اللي بحجابها الكامل مش من فوق حجاب ومن تحت ضيق
يعني اللي ملتزمة في تصرفاتها وشكلها وكلامها
يعني اللي تجبر اي واحد يفكر مليون مرة قبل ما يقولها كلمة مش كويسة
يعني اللي عارفة حدودها كويس
يعني اللي قبل ما تعمل الحاجة تعرف صح ولا غلط
يعني تعرف الفرق بين الحرام والحلال كويس
يعني اللي عمرها ما احتكت بالجنس الاخر احتكاك يأذيها او يضرها او يخدش حيائها
هي دي البنت المحترمة

هل هناك تعريف واضح للبنت المحترمة
حد يقولي بالظبط امتى اقول علي البنت دي محترمة او .....؟

من طرف besa_monerlover الأربعاء أغسطس 19, 2009 1:20 am

انا مقتنعه بكلامك ده اقتناع تام

بس فيه نقطه او اتنين هعلق عليهم

مش معنى انها بتقف مع زمايلها وبتهزر وتضحك معاهم انها مش محترمه

ممكن يكون الهزار والضحك فى حدود الادب والاخلاق

ومش معنى انها مش لابسه حجاب على شعرها انها برضه مش محترمه

ما فيه مليون بنت لابسين حجاب ومش متحرمينه

ممكن هى مش هتقدر تلتزم بيه فمأجلاه

ويمكن تكون اخلاقها ولبسها وهو من غير الحجاب اههيكون محترم اكتر من اللى لابسه حجاب

مع العلم انى محجبه

وفى النهايه دى مجرد اراء
وكل واحد ورأيه
ولولا اختلاف الاراء لبارت السلع

ولا ايه ........؟

من طرف SSOO_66 الأربعاء أغسطس 19, 2009 6:00 am

ولا ايه

انا بقول انها لما تقف مع زمايلها وتهزر معاهم وتضحك كدا اى حد هيشوفها هيقول عليها انها بتكلم ولاد وكدا ودى حاجه مش كويسه للبنت ولو انتى تقصدى الزماله يبقى الزماله فى حدود الزماله فقط مش هزار وضحك طبعا انتى فاهمه كلامى
اما عدم حجاب المرأه طبعا ده حاجه محرمه يعنى الاساس عندنا ان البنت تكون لابسه الحجاب الشرعى وبعدين نقول مين اللى اللى اخلاقها وحشه او هى لابسه الحجاب وخلاص بس يكون فى اساس الاول ان القاعده العامه اى بنت لابسه حجاب بتكون محترمه لانها بتحافظ على نفسها ومش بتظهر مفاتنها لاى انسان كدا فى الشارع اما ان احنا نقول ان فى بنات بتلبس حجاب ومش محترمه يبقى خلاص البنات كلها ما تلبسش حجاب او علشان واحده محترمه بس مش بتلبس حجاب يبقى كل البنات تعمل زيها فى انها ما تلبسش حجاب وطالما البنت اللى محترمه دى ومش بتلبس حجاب طب ما تكمل احترامها وتزين نفسها بالحجاب

ما هو تعريف البنت المحترمه ؟؟؟؟؟؟

ما هو تعريف البنت المحترمه ؟؟؟؟؟؟

رد: ما هو تعريف البنت المحترمه ؟؟؟؟؟؟

رد: ما هو تعريف البنت المحترمه ؟؟؟؟؟؟