عادات مصريه جميله موووووووووووووووووووووووز

من طرف SSOO_66 الخميس أغسطس 20, 2009 5:07 pm

كيف تعرف المصرى؟

المصرى هو أللى:

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجى بعد معاده بساعتين ويفتكر إن ده عادى

- لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشترى قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة فى العيد

- بيشيل طابع البريد من على الظرف لو الختم ماكانش عليه

- بيفتكر إن أي حد بيشتغل في الخليج بيغرف فلوس من غير حساب

_بينتقد الشئ وأول واحد بيعمله

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع

مينفعش يدخل ابنه ثانوية عامة من غير مياخد دروس زي اصحابه عشان يجيب مجموع

- بيفرش ملاية سرير على طقم الأنتريه عشان يفضل نضيف لما ييجى ضيوف ومابيشيلهاش لما ييجوا

من طرف besa_monerlover السبت أغسطس 22, 2009 1:14 am

هههههههههههههههههههههه

جميله جدا

وفعلا بيحصل
خصوصا الشنط بتاعه المحلات
وبرطمانات المربى

من طرف SSOO_66 السبت أغسطس 22, 2009 5:30 am

شكرا لمرورك يا بيسا انتى على طول منورانى

عادات مصريه جميله موووووووووووووووووووووووز

عادات مصريه جميله موووووووووووووووووووووووز

رد: عادات مصريه جميله موووووووووووووووووووووووز

رد: عادات مصريه جميله موووووووووووووووووووووووز