كان زمان ودلوقتي

من طرف SSOO_66 الجمعة سبتمبر 04, 2009 7:54 pm

كان زمان :
الفاضي يعمل قاضي

ودلوقتي بقي:
الفاضي يعمل حاجات كتير

************

كان زمان :
الي اختشوا ماتوا

دلوقتي بقي :
اللي اختشوا ولاد ستين في سبعين اعدموهم بالرصاص

************

كان زمان :
من جد وجد .. ومن زرع حصد

ودلوقتي بقت :
من اقتبس وجد .. ومن سرق حصد

***************

كان زمان :
ان طلع العيب من اهل العيب مايبقاش عيب

ودلوقتي بقي :
ان طلع الصح من اهل الصح يبقي عيب

كان زمان :
العقل زينه

ودلوقتي بقي :
العقل زينه في دماغ غيرك

(الشاطرة تغزل برجل حمار )

الشاطره اللي تهجص وتلعب قمار )

( امشى عدل يحتار عدوك فيه )

دلوقتي الناس بقي المثال بتاعها ( امشي رازي في الناس واعمل عليهم ابو العريف ورخم عليهم يحتار حبيبك وعدوك فيك

كان زمان :
إن كان حبيبك عسل .. ماتلحسوش كله

ودلوقتي بقي :
إن كان حبيبك عسل .. بيعه وهات بتمنه سجارتين أو أجر رقاصة

**************

كان زمان :
أنا وأخويا علي إبن عمي .. وأنا وإبن عمي علي الغريب

ودلوقتي بقي :
أنا والشيطان علي أي حد .. المهم مصلحتي

*******************

كان زمان :
اللي يخاف من العفريت .. يطلع له

ودلوقتي بقي :
اللي يخاف من العفريت .. يبقي مش من الشله

زمان

اللى ملوش كبير يشترى له كبير
دلوقتى
يقول انا الكبير

كان زمان :
الحجر الداير لابد من ضربه

دلوقتي بقي :
الحجر الداير سيبه وإجري

************************

كان زمان :
إدي العيش لخبازه ولو ياكل نصه

دلوقتي بقي :
هد الطابونه علشان ماحدش ياكل غيري

**********************

كان زمان :
كل لبيب بالإشاره يفهم

دلوقتي بقي :
كل لبيب يقف في الإشاره و باللبانه يطرقع

كان زمان :
الإهلي فوق الجميع

دلوقتي بقي :
الجنيه فوق الجميع

--------------------------------------------------------------------------------

كان زمان :
النعجة العياطة ما ياكلش ابنها الديب
وبقي دلوقتي :
النعجة العياطة صاحبت مصالح

*******************

كان زمان :
نعناعة جاية تكمل الجماعة
دلوقتي بقي :
نعناعة جاية تآكل الجماعة

*********************

كان زمان :
النفس عزيزة اذا قل زادها
دلوقتي بقي
:
النفس مالهاش لزوم اذا قل زادها

كان زمان.- اللى بيته من إزاز....ما يحدفش الناس بالطوب

دلوقتى... اللى بيته من ازاز..... ميغيرش هدومه فى الصالون

-كان زمان فاقدالشىء.....لايعطيه................................. ......................................بقى دلوقتى.فاقد الشئ .... . يدور عليه

- اقلب القدره على فمها....تطلع البنت لامها............................................. ............
.بقى دلوقتى اقلب القدرة على فمها... الفول يقع منها

منقوووووول

من طرف besa_monerlover الخميس سبتمبر 10, 2009 2:53 am

اللى ايده فى المايه مش زى اللى ايده فى النار

اللى ايده فى المايه يقوم ينشفها

المركب اللى فيها رايسين تغرق

المركب اللى فيها رايسين يلعبوا طاوله

الباب اللى يجيلك منه الريح سده واستريح

الباب اللى يجيلك منه الريح يبقى اكيد بحرى

ده اللى انا فكراه لو فيه تانى اكيد مش هتأخر

هههههههههههههههههههههههههه

كمييييييييييييييييييييل

من طرف SSOO_66 الخميس سبتمبر 10, 2009 3:21 am

ههههههههههههههههههههههههههههه
شكرا لمرورك يا قمر

من طرف besa_monerlover الخميس سبتمبر 10, 2009 4:10 am

العفو

ده انا اتشرفت بمرورى
وقرأتى للموضوع

كان زمان ودلوقتي

كان زمان ودلوقتي

رد: كان زمان ودلوقتي

رد: كان زمان ودلوقتي

رد: كان زمان ودلوقتي